L'editoriau a non pas pérmeter de Christophe Barbier o las consequéncias de l'inegalitat de las lengas

Lo 28 de julhet de 1885 Jules Ferry que prononciè a l'Amassada nacionau lo son devís sus las raças inferioras e superioras, e que s'exprimí atau: "Sénhers, que cau que parlem mei haut e clar! Que cau díser francament qu'en hèit, las raças superioras qu'an un dret sus las raças inferioras. [...] Que torni díser qu'i a tà las raças superioras un dret pr'amor qu'i a tanben un déber tad èras. Qu'an lo déber de civilizar las raças inferioras." Quitament en aqueths temps, un devís d'aqueths qu'èra gausat e, abans la rebecada trelusenta balhada dus dias après per Clémenceau, qu'ei Maigne que responó suu pic en l'emicicle: "Ò! Qu'ac gausatz díser en lo país on eston proclamats los drets de l'òmi!". Puish qu'estó seguit per Guilloutet: "B'ei la justificacion de l'esclavatge e deu comèrci deus negres!". Aquestas referéncias au 1789 e 1848 qu'èran hèra justificadas: a despieit deu son passat esclavagista, racista e colonialista, França que's distinguí particularament a l'òra deu combat de l'emancipacion de l'òmi. E que sabó tanben desvolopar lo concèpte de laïcitat en passar deu maine de la raça a lo de la religion. Lo ahar Dreyfus, la lei deu 1905, lo tribalh entreprès a l'entorn de la Shoah que permeton de superar aquesta vielha soca antisemita qu'estó particularament activa en daubuns moments de l'istòria d'aqueste país - que'ns podem brembar Simone Veil que contava com s'avèva d'estujar l'insigne d'escot judiu aus transpòrts publics deu Niça deus ans 30. Se França que podó tractar en pregondor los problèmas pertocant tant a la raça com a la religion, n'estó pas parièr tà las lengas e culturas. Atau ne podem pas estar susprés de tornat trobar, dens los escriuts de l'editorialista de l'Express (Christophe Barbier 22/12/2015) aquesta vielha mescla de sentiment de superioritat e paternalisme: "A las culturas basca, bretona, alsaciana, picarda o berishonna, la que prospera a Bastia, Ajaccio o Corte n'a pas arren a envejar. Mes la cultura francesa, mescla e transcendéncia d'aquestes apòrts regionaus, qu'ei d'un òrdi infinidament superior." La juxtaposicion deus mòts "infinidament" e "superior" que poderé har sorríder se tot l'editoriau n'estossi pas tant problematic tau hèit còrse. En purmèr lingüisticament, lo còrse qu'ei tà Christophe Barbier "un dialècte calorós e cantadís, pauc propici aus arsecs oratòris en bèth aténher pertocant accents de gravitat". Categorizar las lengas atau qu'ei curiós... Com ac ditz Ngalasso Mwatha, Professor de sociolingüistica e de lingüistica a l’Universitat Miquèu de Montanha: "Uei lo dia, qu'admetem generaument que cada lenga organiza la pensada e ditz lo monde d'ua faiçon pròpia, e que totas las lengas que pòden tot díser dab mejans tan diferents com eficaçes". La vision de Christophe Barbier n'ei finaument pas luenh de la definicion deu Nouveau Petit Robert deu 2009 que balhava lo mot patuès com un "parlar locau, dialècte emplegat per ua populacion pas guaire numerosa, sovent rurau e de la quau cultura e nivèth de civilizacion que son jutjats inferiors a los de l'ambient (qui emplega la lenga comuna)". E, com en la definicion deu diccionari, l'editorialista que passa de la lenga a la cultura "N'i a pas sonque que la lenga e la cultura francesas qu'agin accedit a l'universau.  N'i pas de Voltaire ni tanpauc de Hugo corsos, e qu'ei lo francés qu'entenem en los cenacles olimpics, gràcia a Coubertin, com en las arrengadas de las Nacions unidas, gràcia a De Gaulle". E cau brembar que tanlèu com lo 1793 la Terror deus jacobins que fixè l'eradicacion deus "parlars locaus" com un objectiu politic? Atau qu'ac disen los deputats Urvoas e Lang en lo lor ensai "Lengas e culturas regionaus: en acabar dab l'excepcion francesa", tot aquò que "contribuí a hargar lo suberegò jacobin que, malament tà las lengas e culturas regionaus, adaiga largament la hauta administracion e la classa politica francesas." Los parlamentaris que parlan quitament de 5 sèglas de discriminacion de la quau la lei Deixonne estó lo purmèr vertadèr contrahuec en 1951 a despieit de "la representacion nacionau, en los ans 1950-1970, que demorè massivament e, a còps, forcivament ostila a las lengas regionaus" e que "lo poder executiu, embarrat en los sons reflèxs anti patuès ne dè pas guaire la mustra". E totun la lenga còrsa ne figurava pas en la quita lei Deixonne e que devó esperar l'an 1974 entà aparéisher dens l'ensenhament. Ne vedem pas com en aquestas condicions ua auta lenga que lo francé poderé desvolopà's... Au lòc de voler desencusar, compréner o reparar -  ne seré pas aquò lo pròpi de lo qui defen las valors universaus? Ne seré pas aquò l'actitud de l'òmi civilizat? - l'editorialista que contunha dab un cèrt cinisme en estimar que Corsega ne saberé de cap manièra sufí’s a era medisha: lenga "dialècte", cultura d'un òrdi inferior a la francesa, que n'a pas tanpauc ua economia de capatge pr'amor que "independenta, ne podrà pas estar mei qu'un paradís fiscau adaigat de dinèrs cascants e doblat d'un vast ecomuseu per toristadas" e tornarà estar un "confeti encombrat de crabas e castanhèrs". L'istorian Patrick Weil qu'ei hòrt mei enclarit quan fixa l'egalitat deus drets com lo purmèr motor de construccion de la nacion francesa e, uei lo dia, qu'ei l'egalitat de las lengas e culturas que permeterà a París e Corsega de trobar ua relacion tan apatzada com equilibrada. Un editoriau d'aqueths, dab los sons concèptes d'inferioritat e superioritat, que sembla gessit d'un passat escorrut e ne pòt pas sonque har puisheu au son objectiu en har créisher l'enveja d'emancipacion deus còrses. Pr'amor que se l'òmi deux sègle XIX que vivó dens un sistema que'u hasèva interiorizar e adméter l'inferioritat de las soas lenga e cultura, lo deu sègle XXI n'ei pas mei enganhat per arren. E com mei anar, mei se desvoloparà ua consciéncia còrsa a la quau d’ara endavant arren ne pòt pas har puisheu. E ua tau consciéncia, dinamizada per l'executiu locau, que se'n vederà entà definir lo son lòc dens un carcan derivat deu jacobinisme. En mei qu'aquèste executiu ne deisharà pas d'emparà's sus l'esperit de la Convencion internacionau deus drets deu mainadèr e la Carta europea de las lengas regionaus o minoritàrias, las duas qu'eston signadas per França mes jamei vertadèrament aplicadas. Que vau la signatura de França en aquèste maine? Renan que disèva "L'òmi n'ei pas l'esclau ni de la soa raça, ni de la soa lenga, ni de la soa religion, ni deu cors deus arrius, ni de la direccion de las cadenas de las montanhas. Ua grana agregacion d'òmis, sana d'esperit e cauda de còr, que crea ua consciéncia morau que s'apèra ua nacion." Lo temps qu'ei arribat d'ara enlà de saber se volem ac inscríver en ua optica egalitària e umanista o lavetz, se persistim dab un sistema fondat sus ua ierarquia eretada de la Terror.

L'intolérable éditorial de Christophe Barbier ou les conséquences de l'inégalité des langues

Les Corses opteront-ils pour le suicide en réclamant l'indépendance? (éditorial de C. Barbier publié dans l'Express)

Le 28 juillet 1885 Jules Ferry prononça à l'Assemblée nationale son discours sur les races inférieures et supérieures et s'exprima en ces termes: "Messieurs, il faut parler plus haut et plus vrai! Il faut dire ouvertement qu'en effet les races supérieures ont un droit vis-à-vis des races inférieures. [...] Je répète qu'il y a pour les races supérieures un droit, parce qu'il y a un devoir pour elles. Elles ont le devoir de civiliser les races inférieures." Même à l'époque un tel discours était osé et, avant la brillante réplique donnée deux jours plus tard par Clémenceau, c'est Maigne qui riposta immédiatement dans l'hémicycle: "Oh! Vous osez dire cela dans le pays où ont été proclamés les droits de l'homme!". Puis il fut suivi par de Guilloutet: "C'est la justification de l'esclavage et de la traite des nègres!" Ces références à 1789 et 1848 étaient fort justes, car même si elle fut un état esclavagiste, raciste et colonialiste, la France se distingua particulièrement dans le combat de l'émancipation de l'homme. Et, passant des problématiques de race à celles de religion, elle sut aussi développer le concept de laïcité. L'affaire Dreyfus, la loi de 1905, le travail entrepris autour de la Shoah permirent de prendre le pas sur cette vieille souche antisémite française qui fut particulièrement active à certains moments de l'histoire de ce pays - on se souvient de Simone Veil qui racontait comment elle devait cacher son insigne de scout juive dans les transports en commun du Nice des années 30. Si la France put traiter en profondeur les problèmes touchant à la race et la religion, il n'en fut pas de même pour les langues et les cultures. Ainsi on ne peut être surpris de retrouver dans la bouche de l'éditorialiste de l'Express (Christophe Barbier 22/12/2015) ce vieux mélange de sentiment de supériorité et de paternalisme : "Aux cultures basque, bretonne, alsacienne, picarde ou berrichonne, celle qui prospère à Bastia, Ajaccio ou Corte n'a rien à envier. Mais la culture française, mélange et transcendance de ces apports régionaux, est d'un ordre infiniment supérieur." La juxtaposition des mots "infiniment" et "supérieur" pourrait prêter à sourire si tout l'éditorial n'était pas aussi problématique pour le fait corse. Linguistiquement d'abord, le corse est pour Christophe Barbier "un dialecte chaleureux et chantant, peu propice aux envolées oratoires tout en atteignant parfois de touchants accents de gravité." Curieuse façon de catégoriser les langues... Comme le dit Ngalasso Mwatha, Professeur de sociolinguistique et de linguistique à l’Université Michel de Montaigne : "Aujourd'hui on admet généralement que chaque langue organise la pensée et dit le monde d’une façon propre, et que toutes les langues peuvent tout dire avec des moyens différents mais tout aussi efficaces." La vision de Christophe Barbier n'est finalement pas loin de la définition du Nouveau Petit Robert de la Langue française de 2009 qui donne le mot patois comme un "parler local, dialecte employé par une population généralement peu nombreuse, souvent rurale et dont la culture, le niveau de civilisation sont jugés inférieurs à celui du milieu environnant (qui emploie la langue commune)". Et, comme dans la définition du dictionnaire, l'éditorialiste passe de la langue à la culture "Seules la langue et la culture françaises ont accédé à l'universel. Il n'y a pas de Voltaire ni de Hugo corses, et c'est le français que l'on entend dans les cénacles olympiques, grâce à Coubertin, comme dans les travées des Nations unies, grâce à de Gaulle." Faut-il rappeler que dès septembre 1793 la Terreur des jacobins définit l'éradication des "parlers locaux" comme un objectif politique? Comme le disent les députés Urvoas et Jung dans leur essai "Langues et cultures régionales : en finir avec l’exception française", tout ceci a "largement contribué à forger le surmoi jacobin qui, pour le grand malheur des langues et cultures régionales, imprègne encore largement la haute administration et la classe politique françaises." Les parlementaires vont jusqu'à parler de 5 siècles de discrimination dont la loi Deixonne sera le premier réel contrefeu en 1951 même si, disent-ils, "la représentation nationale, dans les années 1950-1970, reste massivement et parfois violemment hostile aux langues régionales" et que "le pouvoir exécutif, enfermé dans ses vieux réflexes anti-patois, ne donne guère l’exemple". Et pourtant, la langue corse ne figurait pas dans la loi Deixonne et dut attendre 1974 pour faire son entrée dans l'enseignement. On voit mal comment dans ces conditions une autre langue que le français pourrait se développer... Loin de vouloir excuser, comprendre ou réparer - n'est-ce pas là le propre de celui qui défend des valeurs universelles? N'est-ce pas là la vraie attitude de l'homme civilisé? - l'éditorialiste poursuit avec un certain cynisme en estimant que la Corse ne saurait en aucun cas se suffire à elle-même : langue "dialecte", culture d'un ordre inférieur à la française, elle est aussi économiquement dépassée car "indépendante, elle ne pourra devenir qu'un paradis fiscal inondé d'argent sale et doublé d'un vaste écomusée pour hordes de touristes" et sera à nouveau "un confetti encombré de chèvres et de châtaigniers". L'historien Patrick Weil est bien plus éclairé lorsqu'il définit l'égalité des droits comme ce qui fut le premier moteur de construction de la nation française et, de nos jours, c'est l'égalité des langues et des cultures qui permettra à Paris et à la Corse de trouver une relation aussi apaisée qu'équilibrée. Un tel éditorial, avec ses concepts d'infériorité et de supériorité, semble surgir d'un passé révolu et ne peut que desservir son propre objectif en accroissant le désir d'émancipation des Corses. Car si l'homme du XIXème a vécu dans un système lui faisant intérioriser et admettre l'infériorité de sa langue et sa culture, celui du XXIème n'est plus dupe de rien. Et plus le temps passera, plus se développera une conscience corse à laquelle désormais plus rien ne fait obstacle. Et une telle conscience, poussée par l'exécutif local, aura le plus grand mal à définir sa place dans un carcan dérivé du jacobinisme. D'autant plus que cet exécutif ne cessera de s'appuyer sur l'esprit de la Convention internationale des Droits de l'Enfant et  la Charte européenne des langues régionales ou minoritaires, toutes deux signées par la France mais jamais vraiment appliquées. Que vaut donc la signature de la France en ce domaine? Renan disait que "L’homme n’est esclave ni de sa race, ni de sa langue, ni de sa religion, ni du cours des fleuves, ni de la direction des chaînes de montagnes. Une grande agrégation d’hommes, saine d’esprit et chaude de cœur, crée une conscience morale qui s’appelle une nation." Le temps est venu désormais de savoir si on souhaite l'inscrire dans une optique égalitaire et humaniste ou bien si on persiste dans un système fondé sur une hiérarchie héritée de la Terreur. 

VDelos 

Catalonha-Espanha o l'inacabable fractura

Tant la manca d'informacion de las parts de la premsa francesa com la pòca qualitat de las analisis qu'i trobem, qu'impausan ua descripcion fina deu procèssus catalan a partir de la realitat locau. Qu'ei ua condicion necessària entà compréner las linhas de fractura que traucan tota la societat sud-pirenenca.
En purmèr qu'i a la politica. L'an 1945 que jutgèn en França tant l'ex-marescau Petain com los petainistas e lo petainisme. Atau lo generau De Gaulle que fixè lo paisatge politic francés que va de la dreta classica dinc aus comunistas. Trenta ans mei tard, arren de tot aquò ne's debanè pas en Espanha. La lei d'amnistia de 1977 que creè ua interpenetracion entre la dreta e los franquistas que destrauquè sus ua societat on la monarquia qu'ei mei lo punt d'equilibri entre forças contradictòrias que de volontats popularas. La recenta decoracion de membres de la division azul per la representanta deu govèrn espanhòu a Barcelona n'ei la perfèita illustracion. Quin aute país europeu decoraré fascistas que servín los nazis? Entre ua Espanha monarquista e ua Catalonha intrinsècament republicana, la fractura qu'ei pregonda e marcada. Mes l'abséncia de criticas deu franquisme que provoquè autas consequéncias, pr'amor que condiciona la relacion entre la cultura majoritària e las culturas minoritàrias. Lo hasti deu catalan qu'ei pro comuna e los boicòts economics de la Catalonha industriau un tèma recurrent en Espanha. Aquò ne questiona pas sonque la plaça de la cultura e de la lenga catalanas, vistas tròp sovent com incompatiblas dab la nacion espanhòla, mes tanben l'encastre politic catalan en Espanha. Que patí sevèrament de la decision deu 28 de junh de 2010 quan lo tribunau constitucionau que declarè inconstitucionaus 14 articles de l'estatut catalan. Aquesta decision que demorarà segur com lo simbòl de l'incapacitat deus catalans de's poder definir ua plaça en Espanha que sii compatibla dab las soas valors culturau e politica. Qu'ei lo punt de passatge deu catalanisme, qu'a d'estar interpretat com la volontat tant de collaborar dab Espanha com de cambiar-la quan ei necessari, a l'independentisme. A partir d'aquesta data, l'independentisme que deishè d'estar un ahar de l'ambient militant per començar a tocar l'òmi ordinari. E los problèmas fiscaus recurrents, jamei tractats en lo hons, vaduts sordeish per la crisi, que's suberpausèn alavetz a la realitat sociau d'un caumatge superior a 20%. Despuish mei de 5 ans, tots los catalisaires, que siin politics, sociaus, culturaus, lingüistics, fiscaus, economics, ... que son actius e qu'alimentan un nivèu d'independentisme deus mei hauts d'Euròpa. En cambi podem constatar que nada d'aquèras linhas de fractura sii perlongable a Perpinhan e la Catalonha deu Nòrd, en hèit que s'ageish d'un problèma casi excluvisament ligat au Principat de Catalonha. Donc on va lo Principat de Catalonha? Totun que los independentistas ganhèn las darrèras eleccions, los 10 diputats deu partit d'extrème esquèrra la CUP, ne vòlen pas tornar elegir Artur Mas com president deu Parlament. Adara qu'ei la qüestion de "quina independència vòlen" qu'ei pausada e entà arribar a la fin deu camin l'unitat qu'us estarà necessària. Mes com ligar la drèita dab l'extrème esquèrra? En çò que concerneish Madrid, la decision de ne pas seguir los britanics unionistas que ganhèn lo referendum escocès que pòt estar hèra criticable quan vedem lo resultat d'uei. Los britanics que provèn l'eficacitat deu lor apròchi, a despieit d'un debat televisuau catastrofic, los unionistas que ganhèn lo referendum dab mei de 10 punts!  En plaça d'aquò, Rajoy que refusa tostemps de negociar qué que sii e que s'acontenta d'atacar juridicament lo procèssus catalan. Lo jornalista Iñaki Gabilondo de "El País" que descrivó "la creishuda espectaculara de l'independentisme en un temps recòrd" com "la sordeish mauescaduda despuish l'arribada de la democràcia... au mensh" N'avèm pas nada bòla de cristalh ací mes que sembla evident que calerà mei que tribunaus entà poder tornar barrar linhas de fractura com aquestas.

Çò qu'ei un patés

Grafia gascona?

En aqueste article que m'agradaré de har quauques comentaris sus ua grafia que's pòt trobar de còps au moment d'escríver en lenga noste. Lo hèit qu'intègri uas quantas caracteristicas de l'ortografia francesa qu'ei ua de las soas contradiccions mei susprenentas: com podem parlar de grafia dedicada au gascon e, en medish temps, s'aluenhar tant de la Vath d'Aran? Ne parlam pas aquí solament de desconnexion dens l'espaci e lo temps (Euròpa, internet, los biais de transpòrt relativizan de mei en mei la nocion de frontèra) mes tanben de's copar de çò qui ei, uei lo dia, un deus còrs de Gasconha: l'unic lòc on la transmission naturau qu'ei enqüèra hèra viva! Shens passar en revista tots los aspèctes d'aquesta grafia, que volerí destacar ua causa de las mei estranhas qu'i trobèi: lo mot "canta". Escriut atau que poderem pensar a la tresau persona deu singular deu vèrbe cantar. En hèit, que's tracta de l'infinitiu, e perqué? Un còp de mei l'explicacion qu'ei a cercar deu costat de la lenga francesa: en francés l'accent que cad tostemps sus la darrèra sillaba. Dens lo libe "L'enfant aux deux langues", Claude Hagège explica que dab l'influéncia deus francs, la sillaba tonica deus mots paroxitons (dab l'accent tonic sus l'abans darrèra sillaba com "minji") qu'estó suber accentuada e, per consequent, que desapareishó la darrèra. Atau los mots paroxitons qu'es tornèn tots oxitons, qu'ei a díser dab l'accent tostemps sus la darrèra sillaba. D'aqueste punt de vista que sembla logic d'escríver cantar shens la r finau. Mes si contunham drin la lectura deu libe d'Hagège qu'aprenem ua causa hèra interessanta: qu'ei casi sonque lo nòrd de la França actuau qu'estó afectat taus francs e pas los territòris gascons, provençaus, ... Que ditz lo monde de Marselha o de Pau quan parlan francés? "Tu man-ges" dab duas sillabas e pas "tu manj" tirant la sillaba finau, caracteristica deus parlars deu nòrd. Atau qu'inventèn ua grafia deu gascon adaptada au biais de parlar deu nòrd tot en ignorar la prononciacion de noste. Qui pòt pensar que los aprenents d'uei e de doman que vieneràn de tan luenh com d'enlà Leire? De mei los joens de Pau e Marselha qu'estudian hòrt mei qu'abans l'espanhòu e l'italian, atau quan veden escriut "canta" que pensan mei a "cànta" que "cantà". Aquesta grafia qu'ei donc generacionau. Que'm sembla que las grafias que deven viatjar dens lo temps e s'absténguer de copar los espacis lingüistics en evitar, per exemple, la separacion dab la Vath d'Aran. Qu'ei ua condicion necessària e no sufisent d'escaduda.



Extrèit deu libe "L'Enfant aux deux langues" de Claude Hagège, pagina 194:
Le français, où l'accent ne frappe jamais d'autre position que la finale du mot, possède donc un profil très singulier. Ainsi le latin terminat a donné en espagnol et italien le mot termina, c'est à dire, dans chacune de ces langues un mot de trois syllabes, accentué sur la deuxième, et dans lequel le a de la troisième, bien que non accentué, est parfaitement audible. En revanche, le correspondant français, (il) termine, est un mot de deux syllabes accentué sur la seconde ; on appelle donc "muet" le e final, écrit mais non prononcé, de tous les mots de ce type, parmi lesquels la masse énorme des noms féminins. Certes, il est vrai que cette prononciation, norme française fondée sur le l'usage du nord de la France, n'est pas celle des méridionaux, qui font clairement entendre le e final de belle, boule, livre, (il) ramène, table et accentue la syllabe qui le précède. Cette fidélité au latin est tout à fait explicable si l'on se souvient que le sud de la Gaule fut beaucoup moins exposé que le nord à l'influence germanique. On notera que la prononciation du e final non accentué n'est pas, dans la Romania, une exclusivité du français des Occitans. On la trouve aussi dans d'autres régions qui furent, elles aussi moins germanisées que le nord de la Gaule, en particulier dans certains dialectes italiens comme ceux de Campanie, de Lucanie, des Pouilles, du nord des Abruzzes du sud des Marches et plus sporadiquement quelques parlers septentrionaux (ligures, piémontais et lombards).

L'accent? Quin accent?

En occitan, sembla que l'accent qu'aucupa un lòc hèra important. N'i a que pensan que pòt quitament estar lo revelator de las bonas practicas, d'ua cèrta autenticitat o tanben de la hòrta baishada de la transmission de la lenga. E d'on vien tot aquò? E correspon a la realitat? O ei ua imatge dirèctament importada deu passat? Pr'amor que's cau avisar deu hèit que los pichons barcelonins d'uei, educats en catalan e que pensan en aquesta lenga, que son de còps plan luenh d'aver lo medish accent que los sons pairbons. E a París, lo mainadèr que s'exprimeish com l'Arletty? Qui parla ponchut uei lo dia? L'accent de la television (!) deus ans 50 qu'a casi desapareishut. Euròpa d'uei que viu un movement d'uniformizacion de l'accent que tòca totas las lengas. Donc que's cau concentrar  suus elements mei significatius: taus francés qu'aprènen l'occitan que son, abans tot, lo passatge a l'accent tonic mobile e la prononciacion de la r. Plan solide que'n poderem ajustar d'autes. De tot biais, que seré plan d'explicar un dia com tanta gent que pòden comentar e tornar comentar lo biais de parlar ua lenga shens jamei criticar la soa manca de transmission?

Conéisher e compréner França

Charlie, lo saber arríder negre o maishant?

L'umorista Mathieu Madénian, cronicaire a Charlie Hebdo, que disó un dia "lo pair qu'ei armenian, la mair qu'ei normau". B'ei tan espiritau com maliciós! En França au mensh. Qui gausaré díser "lo pair qu'ei pigmèu, la mair qu'ei normau" en ua societat hèra tradicionau? Aquò que pòt illustrar la dificultat qu'a l'arríder quan se tracta de viatjar. Que podem tots compréner que quan Charb dessenha "lo coran qu'ei mèrda pr'amor que ne pòt pas protegir de las balas" n'ac cau pas gahar au seriós. Mes un còp passat las cinc purmèras minutas, los dessenhs que dèishan un maishant gost. La vertat qu'ei qu'aquestas caricaturas que son grossièras e shens lo mendre interès. E qu'avem un problèma mei: las consequéncias suu desvolopament de l'integrisme quan vedem manifestacions organizadas en hòrt de país dab los mòrts que segueishen. Que passaré si un dia un movement integrista gahèssi lo poder a partir de la confusion creada? Publicar a l'escala deu monde qu'implica ua fina coneishença deu monde. Pr'amor qu'un dia que cau calcular si avem globaument contribuit a la societat o desruit quaquarren. Ne cau pas desbrombar que la libertat qu'implica la responsabilitat.

Singapor 2015 (2)

Educacion o educa-nacion ?

Singapor 2015 (1)